អាជ្ញាធរជាតិអាវុធគីមី

អាវុធនុយក្លេអ៊ែ

ក្នុងចំណោមទាំងបីប្រភេទនៃអាវុធប្រល័យលោក អាវុធនុយក្លេអ៊ែ បង្កឲ្យមានការគំរាមកំហែងដ៏ធំបំផុត។ អាវុធនុយក្លេអ៊ែ ត្រូវបានបែងចែកជា ២ ប្រភេទរួមមាន​ គ្រាប់បែកបរិមាណូអាតូមិច (Atomic Bombs) និងគ្រាប់បែកបរិមាណូអ៊ែអ៊ីដ្រូសែន (Hydrogen Bombs)។ ការសាកល្បងលើកដំបូងបានបង្ហាញថា​​ គ្រាប់បែកបរិមាណូអាតូមិច (Atomic Bombs) មានកំលាំងថាមពលប្រហែលស្មើនឹងកំលាំង TNT ២០.០០០ តោន ចំណែកគ្រាប់បែកបរិមាណូអ៊ែអ៊ីដ្រូសែន (Hydrogen Bombs) មានកំលាំងប្រហែលស្មើនឹង​ TNT ១០​ ​លានតោន។ ចាប់តាំងពីមានវត្តមានមក អាវុធនុយក្លេអ៊ែ ត្រូវប្រើប្រាស់ចំនួន ២​ ដង ដោយសហរដ្ឋអាមេរិក ប្រឆាំងនឹងប្រទេសជប៉ុនក្នុងសង្គ្រាមលោកលើកទី ២។​ លើកទី១ អាមេរិចបានទម្លាក់ គ្រាប់បែកបរិមានណូអាតូមិច នៅទីក្រុងហ៊ីរ៉ូស៊ីម៉ា នៅថ្ងៃទី ០៦​ ខែសីហា ឆ្នាំ ១៩៤៥ និងលើកទី​ ២ នៅទីក្រុង ណាហ្គាសាគិ នៅថ្ងៃទី ៩ ខែសីហា ឆ្នាំ ១៩៤៥។​ ប្រទេសចំនួន ៩ ត្រូវបានគេរាយការណ៌ថាមានអាវុធនុយក្លេអ៊ែរ។

៣. ចំនួន និងប្រទេសដែលមានអាវុធនុយក្លេអ៊ែ 

យោងទៅតាមគេហទំព័រ CNBC ដែលបានចុះផ្សាយនៅខែ មិនា ឆ្នាំ ២០១៨ បានឲ្យដឹងថា អាវុធនុយក្លែអ៊ែ សរុបមាន ចំនួនប្រហែល ១៤.៥០០ គ្រាប់ ដែលស្ថិតនៅក្រោមការគ្រប់គ្រងរបស់ប្រទេសចំនួន ៩ ហើយមួយផ្នែកធំ គ្រប់គ្រង ដោយ ប្រទេសមហាអំណាច​ ២ គឺ សហរដ្ឋអាមេរិច និងប្រទេសរុស្សី។ ប្រទេសទាំង ៩ ដែលមានអាវុធនុយក្លេអ៊ែរួមមាន កូរ៉េខាងជើង អ៊ីស្រាអែល ឥណ្ឌា ប៉ាគីស្ថាន ចក្រភពអង់គ្លេស ចិន បារាំង សហរដ្ឋអាមេរិច និងរុស្សី។ ខាងក្រោម នេះជាពត៌មានលម្អិតទាក់ទងនឹង ចំនួនអាវុធនុយក្លេអ៊ែ ចំនួនការធ្វើការសាកល្បងអាវុធនុយក្លេអ៊ែ កាលបរិច្ឆេទការធ្វើការ សាកល្បងលើកដំបូង និងកាលបរិច្ឆេទការធ្វើការសាកល្បងលើកចុងក្រោយ៖

ប្រទេសកូរ៉េខាងជើង

ចំនួនអាវុធនុយក្លេអ៊ែ	~ ​១០​​ -​ ២០
ចំនួនការធ្វើការសាកល្បងអាវុធនុយក្លេអ៊ែ	~ ៦
កាលបរិច្ឆេទការធ្វើការសាកល្បងលើកដំបូង	ខែតុលា ឆ្នាំ ២០០៦
កាលបរិច្ឆេទការធ្វើការសាកល្បងលើកចុងក្រោយ	ខែកញ្ញា ឆ្នាំ ២០១៧

ប្រទេសអ៊ីស្រាអែល

ចំនួនអាវុធនុយក្លេអ៊ែ	~ ៨០
ចំនួនការធ្វើការសាកល្បងអាវុធនុយក្លេអ៊ែ	០
កាលបរិច្ឆេទការធ្វើការសាកល្បងលើកដំបូង	មិនមានកាលបរិច្ឆទ
កាលបរិច្ឆេទការធ្វើការសាកល្បងលើកចុងក្រោយ	មិនមានកាលបរិច្ឆេទ

ប្រទេសឥណ្ឌា

ចំនួនអាវុធនុយក្លេអ៊ែ	~ ១២០​ -​ ១៣០
ចំនួនការធ្វើការសាកល្បងអាវុធនុយក្លេអ៊ែ	~ ៣
កាលបរិច្ឆេទការធ្វើការសាកល្បងលើកដំបូង	ខែឧសភា ឆ្នាំ ១៩៧៤
កាលបរិច្ឆេទការធ្វើការសាកល្បងលើកចុងក្រោយ	ខែឧសភា ឆ្នាំ ១៩៩៨

ប្រទេសប៉ាគីស្ថាន

ចំនួនអាវុធនុយក្លេអ៊ែ	~ ១៣០​ -​ ១៤០
ចំនួនការធ្វើការសាកល្បងអាវុធនុយក្លេអ៊ែ	~ ២
កាលបរិច្ឆេទការធ្វើការសាកល្បងលើកដំបូង	ខែឧសភា ឆ្នាំ ១៩៩៨
កាលបរិច្ឆេទការធ្វើការសាកល្បងលើកចុងក្រោយ	ខែឧសភា ឆ្នាំ ១៩៩៨

ចក្រភពអង់គ្លេស

ចំនួនអាវុធនុយក្លេអ៊ែ	~ ២១៥
ចំនួនការធ្វើការសាកល្បងអាវុធនុយក្លេអ៊ែ	~ ៤៥
កាលបរិច្ឆេទការធ្វើការសាកល្បងលើកដំបូង	ខែតុលា ឆ្នាំ ១៩៥២
កាលបរិច្ឆេទការធ្វើការសាកល្បងលើកចុងក្រោយ	ខែវិច្ឆិកា ឆ្នាំ ១៩៩១

ប្រទេសចិន

ចំនួនអាវុធនុយក្លេអ៊ែ	~ ២៧០
ចំនួនការធ្វើការសាកល្បងអាវុធនុយក្លេអ៊ែ	~ ៤៥
កាលបរិច្ឆេទការធ្វើការសាកល្បងលើកដំបូង	ខែតុលា ឆ្នាំ ១៩៦៤
កាលបរិច្ឆេទការធ្វើការសាកល្បងលើកចុងក្រោយ	ខែកក្កដា ឆ្នាំ ១៩៩៦

ប្រទេសបារាំង

ចំនួនអាវុធនុយក្លេអ៊ែ	~ ៣០០
ចំនួនការធ្វើការសាកល្បងអាវុធនុយក្លេអ៊ែ	~ ២១០
កាលបរិច្ឆេទការធ្វើការសាកល្បងលើកដំបូង	ខែកុម្ភៈ ឆ្នាំ ១៩៦០
កាលបរិច្ឆេទការធ្វើការសាកល្បងលើកចុងក្រោយ	ខែមករា ឆ្នាំ ១៩៩៦

សហរដ្ឋអាមេរិច

ចំនួនអាវុធនុយក្លេអ៊ែ	~ ៦.៥៥០
ចំនួនការធ្វើការសាកល្បងអាវុធនុយក្លេអ៊ែ	~ ១.០៣០
កាលបរិច្ឆេទការធ្វើការសាកល្បងលើកដំបូង	ខែកក្កដា ឆ្នាំ ១៩៤៥
កាលបរិច្ឆេទការធ្វើការសាកល្បងលើកចុងក្រោយ	ខែកញ្ញា ឆ្នាំ ១៩៩២

ប្រទេសរុស្សី

ចំនួនអាវុធនុយក្លេអ៊ែ	~ ៦.៨០០
ចំនួនការធ្វើការសាកល្បងអាវុធនុយក្លេអ៊ែ	~ ៧១៥
កាលបរិច្ឆេទការធ្វើការសាកល្បងលើកដំបូង	ខែសីហា ឆ្នាំ ១៩៤៩
កាលបរិច្ឆេទការធ្វើការសាកល្បងលើកចុងក្រោយ	​ ខែតុលា ឆ្នាំ ១៩៩០